По написите во одредени македонски медиуми за реакција на Амбасадата на Руската федерација во Република Македонија во врска ставовите изнесени на вчерашната средба меѓу премиерот Зоран Заев и амбасадорот Олег Шчербак, владиниот портпарол Миле Бошњаковски во изјава за МИА појасни дека Владата на Република Македонија својот став за средбата го искажала во вчерашното соопштение до јавноста.
– Владата на Република Македонија нема пракса да усогласува став во врска со соопштенија од вид средби, изјави Бошњаковски.