Германската канцеларка Ангела Меркел на почетокот на Самитот на Европска унија во Брисел упати критики, но и ја пофали Турција.
Меркел наведе дека е многу загрижена поради непочитувањето на владеењето на правото во Турција.
– Во услови на нашите демократски вредности, развојот на настаните во Турција беше многу негативен. Не само да се уапсени Германци, туку и целото владеење на правото во Турција тргна во погрешна насока. Многу сме загрижени поради тоа. И јас ќе поддржам намалување на претпристапните фондови, истакна Меркел на почетокот на Самитот на Европска унија во Брисел.
Таа ја пофали Турција за третманот кон бегалците.
– Исто така ќе бидам јасна дека Турција врши одлична работа кога станува збор за бегалците и ние сме обврзани со Договорот меѓу ЕУ и Турција. Ветивме доплнителни три милијарди евра за следните години, а веќе имаме исплатено три милијарди евра. Мораме да останеме доследни на ветувањето, наведе Меркел.