Владата денеска во делот од седницата за следење на состојбите и напредокот во процесот на европска интеграција, го разгледа и усвои Фактографскиот преглед на статусот на имплементација на мерките предвидени во Планот 3-6-9, и ги задолжи сите засегнати министерства и Генералниот секретаријат, да ги прегледаат препораките од Извештајот на групата високи експерти, предводена од Рајнхард Прибе, и доколку проценат дека дел од препораките не се соодветно адресирани во одредниците 6 и 9 од Планот 3-6-9, да ги дополнат и да ги достават до Секретаријатот за европски прашања најдоцна до 10 октомври годинава.
Владата на денешната седница го задолжи Кабинетот на претседателот на Владата да се консултира со Кабинетот на претседателот на Собранието за моделот за консултација со опозицијата по однос на Планот 3-6-9, и заедно со Секретаријатот за европски прашања да организираат консултативна средба со репрезентативен број на граѓански организации во однос на реалзацијата на Планот 3-6-9, стои во соопштението од владината прес-служба.