Синоќа во СВР-Битола физички бил нападнат полицаец од страна на Р.Ѓ. од Битола.
Во текот на денот, полицаецот заедно со уште двајца негови колеги постапувале по поплака и го барале лицето С.Ѓ., а откако не го нашле на наведената адреса, полицаецот му се јавил телефонски и службено стапил во контакт со лице кое се претставило дека е С.Ѓ..
Полицискиот службеник му рекол дека против него има поплака и дека треба службено да разговараат, на што С.Ѓ. одговорил дека е надвор од градот и дека ќе дојде друг ден, а по кратко време С.Ѓ. му се јавил на полицаецот и му се заканил и се обратил со зборови со недолична содржина, по што полицаецот му исклучил.
Во 21 часот, кога со колегите се вратиле во СВР-Битола, во ходникот неколку минути по нив влегол Р.Ѓ. и без никаков разговор му се приближил на полицаецот и со глава го удрил во пределот на устата, по што Р.Ѓ. бил приведен.
