Ангелина Васовска од ВМРО-ДПМНЕ денеска во изјава за медиумите рече дека Богоев се што кажал излажал и дека ги изманипулирал младите ветувајќи им се и сешто.
– Богоев пред парламентарните избори минатата година ветуваше темелна реконструкција на постоечките студентските домови, за со самото доаѓање на власт да скратат цели 155 милиони денари од буџетот за изградба и реконструкција на студентски домови. СДС вети, СДС излажа. Богоев вети, Богоев излажа. Младите видоа дека Богоев само ги манипулирал. Младите никогаш веќе нема да им веруваат на лагите на Богоев и неговите сопартијци, рече Васовска.
Таа додаде дека Богоев ветувал и студентски кампус во рамки на Стив Наумов, како целосно нова зграда со 700 нови легла, а нова зграда нема, не е ни почната, а владата на СДСМ скратила и цели 155 милиони денари од буџетот наменет за изградба на студентски домови.
– Денес го гледаме размазаниот Богоев како ветува нови фитнес зони во Карпош и голема реконструкција на сите игралипшта кој се наоѓаат во општина Карпош. Повторно брда и долини од устата на Стефан Богоев. Омилено ветување му е реконструкција на игралиштето Сокол, но карпошани се свесни дека нема да има ништо од ова ветување. Го слушаме Боегоев како ветува и зелени површини во секое маало. Но и ова е една од многуте лаги кои размазаниот Боегоев нема поима како ќе ги реализира, рече Васовска.
