Исламската Држава е активна во Авганистан и ја користи оваа држава да планира напади врз Русија, обвини денеска директорот на руската безбедносна служба ФСБ Александар Бортников при отворањето на состанок на директори на безбедносни служби во Краснодар.
Бортников истакна дека преселбата на џихадистите на ИД во Авганистан доаѓа по поразите кои оваа група ги претрпе на Блискиот Исток, во Сирија и Ирак. Од Авганистан, џихадистите можат да се инфилтрираат во држави во Централна Азија, Иран, Кина и Индија, како и во Русија.
– Тие се фокусираат на нестабилни региони со цел да потпалат нови конфликти, изјави Бортников.