Пред четири пет дена се местеа изборни плакати, тие почнаа со инциденти. Се јавивме кај Оливер Спасовски, тој рече од двете страни кој и да згреши, нема да има привилегии за никој, објасни Амди Бајрам пред болницата „8 септември“ за тепачката помеѓу две групи во Шуто Оризари каде нападнат беше и неговиот син, Елвис Бајрам.
Градоначалникот оди од куќа на куќа и одеднаш му излегоа со секири, со шипки, го удриле. Ми кажаа дека шефот на кабинет е прво удрен, а потоа со шипки и секири е удрен мојот син, рече Амди Бајрам.
-Тие се позната фамилија, тие го држеа пазарот во Шутка со рекет и сила, тие се тргнати од таму и сега се со СДСМ, рече Бајрам.
Елвис Бајрам беше нападнат во Шуто Оризари по што е пренесен во Градската болница „8-ми септември“, каде што било интервенирано врз него со 7 конци на главата. Пред болницата „8 септември“ се насобрани поддржувачи на актуелниот градоначалник на Шуто Оризари.
