Тешко повреден е Ј.Г. (76) од село Карбинци кој вчера претпладнето, управувајќи патничко возило „Тојота ајго“, удрил во сообраќаен знак и се превртел во канал за вода.
Според МВР, незгодата се случила на магистралниот пат Кочани – Штип во непосредна близина на излезот од селото Чардаклија, а Ј.Г. со возило на Итна медицинска помош е пренесен во Клиничката болница во Штип каде е задржан на лекување.
Увид изврши екипа од СВР – Штип. Се работи на целосно расчистување на случајот.