Германската канцеларка Ангела Меркел смета дека државата треба да ги следи пазарите, со цел да ги спречи непосакуваните дејствија кои доведоа до финансиска криза во 2008 година.
Во своето новогодишно обраќање, Меркел предупредува дека лекциите од уништувањето на пазарите пред пет години се уште не се целосно научени.
Според неа, потребни се повеќе меѓународни напори за да се држат пазарите под контрола и да не се дозволи „неодговорност“, која почна со хипотеките во САД.
Меркел истакнува дека е потребно трпение за да се реализираат реформите, договорени со цел да се запре должничката криза во Европа. Таа нагласи дека кризата во еврозоната не е сосема завршена, и покрај тоа што преземените мерки против неа почнуваат да даваат резултат.