Коѕијас: Заедничка комисија со Скопје ќе го отстранува иредентизмот од учебниците

Од:

Треба да се почекаат изборите во октомври и да се види дали новата Влада во Скопје ќе ја зацврсти својата позиција за да можеме да влеземе во посериозни преговори за решавање на прашањето за името, изјави грчкиот министер за надворешни работи Никос Коѕијас во интервју за националната телевизија ЕРТ.

Според Коѕијас, зад проблемот со името се крие и проблемот со иредентизмот кај северниот сосед.

– Се надевам и верувам дека од нивна страна ќе бидат преземени мерки за ограничување на иредентизмот, вели шефот на грчката дипломатија.

За тоа, како што посочува, во Њујорк разговарал со неговиот македонски колега Никола Димитров, оценувајќи го како „извонредно интересна личност“.

– Се договоривме да формираме заедничка комисија од ноември годинава, која во рок од четири месеци ќе треба да си ја заврши својата работа – отстранување на иредентизмот од учебниците и географските карти во нив. Тоа е многу важен чекор, а следуваат и други чекори за кои веќе разговараме, изјави Коѕијас.

Прашан дали е можно приклучување на Македонија во НАТО и во ЕУ без решавање на прашањето за името, Коѕијас нагласува дека е неопходно прво да се затвори ова прашање како што е предвидено и со Привремената спогодба потпишана во средината на 90 години.

– Нашата соседна, и нагласувам пријателска земја, бидејќи нашите народи имаат многу пријателски односи, не може да се приклучи во меѓународните организации како што се НАТО и ЕУ без да се реши прашањето за името, што е предвидено и со Привремената спогодба. Недостатокот на Времената спогодба беше тоа што предвидуваше спорот за името да биде брзо решено што би и овозможило на соседната земја да се приклучи во меѓународните организации, но не предвидуваше кои мерки да бидат преземени ако не се најде решение. Всушност, во изминатите децении немавме суштински преговори, изјави Коѕијас.

За пишувањата во грчките медиуми дека предлогот на Атина за решавање на проблемот е името „Вардарска Македонија“, Коѕијас вели дека од грчка страна не се дадени никакви предлози, а објавените написи во кои се тврди спротивното ги смета за слободни новинарски толкувања.

Би можело да ве интересира

Големи пожари избувнаа низ Грција, пристигнуваат хеликоптери за да им помогнат на пожарникарите

Горан Наумовски

Маринакис: Постои само едно толкување на ерга омнес

Катерина Ѓуровски

Грчки медиуми: Владата на Мицкоски доби доверба од Собранието – положи заклетва под уставното име

Мицкоски трипати ја нарече неговата земја „Македонија“ пишуваат грчките медиуми

Пеколен одмор во Грција: Се повеќе мртви туристи, температура над 45 степени

Предраг Петровиќ

Жена почина во Полихроно: Во несвестна состојба била извлечена од морето