„Единствено по што стана позната неспособната влада на СДС и Сугарески во изминатиот период, е што во изминатите 100 дена блокираше се она што беше изградено и реализирано како инфраструктурни и капитални проекти од страна на ВМРО-ДПМНЕ.
СДС и Сугарески, немајќи со што да се пофалат во изминатите 100 дена измуслуваа разни манипулации и лаги дека трасите на автопатите Кичево-Охрид и Миладиновци-Штип се погрешени, дека изведувачите доцнат со предвидената динамика и што уште не, за да денес дознаеме дека ќе продолжат со градежните активности на истите.
Неспособното раководство на СДС на чело со Заев и Сугарески, намерно цело лето не го пуштија целосно изградениот и завршен автопат Демир Капија-Смковица само зошто така сакаа, надевајќи се дека доколку тие ги промовираат автопатите ќе добијат политички поени кај граѓаните.
ВМРО-ДПМНЕ прашува зошто во изминатите 100 дена, намерно се одоговлекуваше изградбата на автопатите, зошто СДС, Заев и Сугарески им беше толку тешко да признаат дека нема ништо спорно со изградбата на автопатите.
СДС и Сугарески, наместо да се занимаваат со блокирање на инфраструктурните проекти кои во изминатиот период ги градеше ВМРО-ДПМНЕ, треба на граѓаните да им соопштат каде се предвидените нови 600 километри автопатски делници, каде им се ветените 550 километри регионални, кои им ги најавуваа на граѓаните пред избори.
СДС и Заев постојано ги потценуваат граѓаните со секојдневни лаги и манипулации кои им ги пласираат, поради ваквиот неискрен однос кон сопствениот народ, СДС ќе биде казнет и жестоко поразен на претстојните локални избори“ се вели во соопштението на ВМРО-ДПМНЕ.