Двајца штипјани на возраст од 25 и 26 години во период од три месеци извршиле 13 кражби на подрачјето на општина Штип и направиле штета од 940.000 денари за што им е поднесени три кривични пријави, информираа од СВР-Штип.
– Пријавените на подрачјето на Полициската станица –Штип со намера да се стекнат со против правна-имотна корист извршиле 13 кривични дела. При што, со употреба на сила и погоден алат насилно отварале врати и прозорци и влегувале во продавници, фабрики и јавни претпријатија, од каде одзеле разновидни предмети, како водомери, кабли, алуминиумски радијатори, репро материјали, делови од патнички моторни возила, машинско масло, циграи со што причиниле материјална штета од околу 940.000 денари, рече Гордана Панајотова од СВР-Штип..
Таа истакна дека сторителите на овие тешки кражби се познати од претходно на полицијата, а кривичните пријави се доставени до Основното јавно обвинителство во Штип.