„Заврши времето на луксузни ручеци и вечери“, рече денеска министерот за внатрешни работи, Оливер Спасовски на прес конференција.
Спасовски рече дека се намалени средствата за репрезентација и наместо тоа, ќе се купи нова облека за полицијата, бидејќи една деценија наназад не добиле нови униформи и чевли.
Министерот додаде дека досегашните луксузирања во МВР ќе го чекаат изборот на новиот јавен обвинител за да не биде затворен предметот.
Тој најави нови 500 вработувања во МВР што ќе бидат финализирани по изборите, за да не биде злоупотребен конкусрот.
Спасовски кажа дека досега МВР примило 189 преставки против свои припадници и дека десет од нив биле суспендирани од работното место, а за пет се покренати кривични пријави за несовесно однесување и за злоупотреба на службената должност.
Најави формирање ново посебно одделение во МВР за гонење на организираниот криминал и корупција.
Министерот соопшти исто така дека кога дошол на функцијата, Министерството било 39 милиони денари во минус за исплатата на плати оваа година.