Александар Бичиклиски од ВМРО-ДПМНЕ денеска во изјава за медиумите рече дека на граѓаните на Скопје им е потребен вреден и чесен градски татко, а не како што кажа тој, пијандура.
– Петре Шилегов е човекот кој на Скопје може да му понуди само едно големо ништо што е впрочем опус на целиот негов политички век досега. Петре Шилегов е свесен дека неговата партија на чело со неспособниот Зоран Заев е во тежок ендек дека пропаѓаат и свесни се дека им доаѓа крајот и затоа ги лажат граѓаните на градот Скопје. Граѓаните на Скопје ја знаат разликата помеѓу ВМРО-ДПМНЕ и СДС, ја знаат разликата помеѓу Никола Груевски и Зоран Заев, рече Бичиклиски.
Тој додаде дека на градот му требаат стабилни и чесни луѓе, а не луѓе кои што ќе го претворат градот за 24 часа во паланка.
– На скопјани ќе им биде многу лесно на локалните избори. Разликата во квалитетот во помеѓу Трајановски и Шилегов е повеќе од очигледна, заврши Бичиклиски.