Заменик министерот за животна средина и просторно планирање Јани Макрадули денеска ќе престојува во Виена каде ќе учествува на состанокот на Акциската група за клима.
На состанокот, како што соопштуваат од Министерството за животна средина и просторно планирање, ќе се дискутира за најдобрите начини за развивање, споделување и мониторирање на интегрираните енергетски и климатски пакети, за унапредување на меѓусебната соработка и зајакнување на капацитетите внатре и меѓу министерствата одговорни за енергетика и климатски промени и за развивање на регионалната соработка во пресрет на Конференцијата на страните за клима (COP23, Бон, ноември 2017 г.) во врска со спроведувањето на Договорот од Париз.
Акциската група за клима е формирана на Првиот неформален министерски совет што се одржа на 9-10 јуни годинава во Австрија.