СДСМ со писмено соопштение реагира на изјавата на Милош Милошевски од ВМРО-ДПМНЕ.
„ВМРО-ДПМНЕ продолжува да шири лажни вести, неможејќи да се помири со фактот што државните институции работат професионално, неселективно и во служба на законите, наместо селективно, партизирано и во служба на Никола Груевски и неговата партија.
Заврши времето кога поединци беа над законите. Со ослободувањето на институциите, законските норми важат за сите подеднакво и секој се соочува со сопствената одговорност за своите постапки.
По промените на локалните избори таквиот процес на ослободување ќе продолжи и на локално ниво по што ќе следува професионализација и на институциите во рамки на локалната власт“ се вели во реакцијата на СДСМ.