ВМРО-ДПМНЕ испрати писмено соопштение како одговор на реакцијата на Општина Центар на нивната прес-конференција.
„СДС и нивниот миленик Андреј Жерновски за овие 4 години немаат ниту една капитална инвестиција во општината.
Жерновски и СДС се класичен пример како не треба да се управува со една локална самоуправа.
Деновиве сме сведоци на обелоденувањето на огромни скандали токму од страна на советници од СДС кој го обвинуваат дека земал по 200.000 евра поткуп и дека нелегалниот бизнис одел преку неговиот возач.
Позади нивното владеење оставија пустош по општината, граѓаните во Маџир Маало во 21 век немаат соодветна инфраструктура и водоводна и канализациона мрежа, додека пак граѓаните во Дебар Маало се соочуваат со немање на слободен простор за паркинг.
Парите на граѓаните на Општина Центар Жерновски ги троши немилосрдно на негови патувања и луксузирања, без притоа да одвои денар повеќе за подобрување на хигиената и условите за живеење во општината.
Поради неработата, негрижата граѓаните на Општина Центар ќе го казната Жерновски и СДС на 15-ти октомври“ се вели во соопштението на ВМРО-ДПМНЕ.