Во Центарот за култура „Марко Цепенков“ во Прилеп вечер ќе се одржи манифестацијата „Поетско читање“, во рамки на Прилепско културно лето.
На Поетското читање кое ќе се одржи во ликовниот салон ќе настапат петнаесетина членови на Клубот на литературни творци – Прилеп.
Прилепските поети ќе се претстават со дел од своите стихови, а манифестацијата ќе биде проследена и со музички точки.
Воедно, ќе биде претставен и првиот број на поетскиот алманах што го издаде Клубот на литературни творци пред неколку месеци во којшто е презентирано творештвото на домашни поети од различни генерации.