Со јаловите дискусии за одбрана на криминалот на Никола Груевски пратениците од опозицијата го блокираат Законот за минимална плата и Законот за стечајците со што ќе се реши долгата егзистенционална борба на граѓаните, рече пратеничката од редовите на СДСМ, Фросина Ташевска Ременски.
– Граѓаните на Република Македонија од вас бараат да престанете со блокадата на Собранието, да се откажете од непотребните говори од точката за разрешување на Марко Зврлевски и партиските интереси, им се обрати Ременски на колегите од опозицијата.
Според неа, опозицијата не дозволува зголемување на минималната плата од 9.000 на 12.000 денари за кои Владата ќе им помогне на работодавачите во исполнување на овој закон.
Исто така, како што кажа екс министерката, опозицијата со непотребните говори спречува стечајците да добијат по 7.000 денари месечно, средства кои ќе бидат издвоени од буџетот.
Во врска со разрешувањето на Зврлевски, Ташевска Ременски изјави дека нема да трае до недоглед, туку напротив, очекува оваа недела тој да биде разрешен.
Виктор Јованов