Tриесет години старите улици „Апостол Гусларот“, „Борка Талески“ и „Стеван Јакимов Дедов“ конечно добија нов лик.
Деновиве интензивно се работеше и ударните дупки кои создаваа големи проблеми на возилата во сообраќајот, но и на пешаците и нивната безбедност сега се минато, и движењето се одвива нормално по реконструиран коловоз, известија од Општина Центар.
Вкупната должина на која се рехабилитираше коловозот со гребење и поставување на нов асфалт е на 2500 м2.
Ова се три значајни улици и со ова oпштина Центар ги доврши отпочнатите активности за обновување и санација на улиците и просторот во населба Буњаковец, во делот околу основното училиште „Ј.Х. Песталоци“.