„Несериозноста на неспособната владата на Заев ги загрозува животите и здравјето на илјадници граѓани на Република Македонија.
СДС со својата неспособност и неажурност дозволи Македонија да стане огромно жариште и да и се случи еколошка катастрофа.
Пожарите горат, а владата е инертна и не покажува грижа за граѓаните.
Неспособната влада на СДС не успеа да направи превенција од нови пожари, иако сите информации говореа за ризик од пожари, и на тој начин стави во опасност илјадници граѓани.
Неодговорната влада на СДС не успеа да изгаси локални пожари кои ескалираа и ставија во опасност цели региони.
Заради игнорирањето и ненавременото локализирање на пожарите СДС дозволи тие со денови да голтаат цели планини со шума и да станат вистинска опасност на огромен број на граѓани.
Додека граѓаните молеа и чекаа државата да им помогне за да пожарите не стигнат до нивните домови, владата на СДС не мрдна со прст и зад затворени врати, далеку од очите на јавноста носеше закони штетни за Република Македонија и нејзините граѓани.
Владата на СДС мора да сноси одговорност за пожарите кои заради нивната неажурност и игнорантски однос за ненавремено локализирање на пожарот дозволи да изгорат 5 куќи, се нанесе огромна материјална штета во Поречието и останатиот дел на Македонија каде секој ден пожарите земаат поголем замав.
За неспособноста на владата на СДС да излезе во пресрет на граѓаните и да помогне во гасење на пожарите граѓаните ќе одговорат на локалните избори на 15-ти октомври кога ќе го казнат СДС за сите нереализирани ветувања и погубни политики вклучувајќи го и несериозниот пристап кон гасење на пожарите во земјата“ се вели во соопштението на ВМРО-ДПМНЕ.