Четириесетгодишниот параглајдерист од Словачка Т.С. вчера попладне околу 16 часот го загубил животот во атарот на прилепското село Мажучиште.
Тој летал со параглајдер од Мечкин Камен, Крушево, а во Мажучиште паднал и починал, соопшти полицијата во дневниот Билтен.
Екипа на итна медицинска помош констатирала смрт. Увид на местото извршил јавен обвинител и увидна екипа на Полициска станица-Прилеп и по наредба на јавен обвинител телото на починатиот е предадено за обдукција.
Во саботата во близина на Крушево загина и параглајдеристот Ј.В. (51) од Чешка, кого спасувачка екипа го нашла починат во местото викано „Две чешми“. Тој, исто така, полетал од Мечкин Камен во Крушево и додека управувал со параглајдерот се закачил на дрво, по што паднал на земја и починал.
