Женската јуниорска ракометна репрезентација на Македонија (ракометарки до 19 години) со убедлив пораз ги почна натпреварите на Европското првенство што се одржува во Словенија. Во натпревар од групата Б, Хрватска ја победи Македонија со убедливи 35:14 (14:3).
По почетното испитување на силите и водството на Хрватска од 6:3, до крајот на првиот дел нашите јуниорки не ја погодија противничката мрежа, што беше само најава на убедливиот пораз. Леонида Гичевска со шест голови беше најпрецизна во нашиот состав.
На вториот натпревар од првото коло од групата Б, Русија ја победи Норвешка со 23:15.
Утре од 17 часот во дуел од второто коло Македонија ќе игра против Русија.