Делегација на Владата на Република Македонија, во чиј состав беа министерот за транспорт и врски Горан Сугарески, министерот за информатичко општество и администрација Дамјан Манчевски и Зорица Апостолска, министерка без ресор задолжена за странски инвестиции, денеска положи венец на спомен обележјето на жртвите од катастрофалниот земјотрес во Скопје на 26 јули 1963 година.
Владата на Република Македонија сочувствува со сите граѓани на Скопје и на Република Македонија кои во тој трагичен настан ги загубија своите најблиски, роднини и пријатели, се вели во соопштението.