Министерот за транспорт и врски информираше дека следната година ќе бидат набавени шест возови а постоечкиот возен парк ќе биде репариран.
– Наредната година ќе набавиме шест нови возови, четири дизел и два електро и ќе продолжиме со репарирање на веќе постоечките со цел возниот парк на АД „Транспорт“ да биде целосно реновиран и ставен во функција. Се работи за некаде од 12 до 15 вакви возови. Се надеваме дека тоа ќе го постигнеме до 2014-2015 година. Целокупната инвестиција е околу 100 илјади евра, рече Јанакиески.
Јанакиески рече дека средствата за новите возови се веќе обезбедени и оти во моментов се ангажира консултант кој ќе работи на тендерска документација.