Во организација на Амбасадата на Франција во Република Македонија и францускиот Конзулат во Битола е отворена изложбата „Народите од долината Омо“, чиј автор е Доминик Готје, советник во Француската амбасада и дипломат.
Дипломатот Готје повеќе од четири децении освен со дипломатија се занимава и со фотографирање, а најголем дел од неговата фотоархива е поврзана со неговиот дипломатски престој и мисија во Југозападна Африка.
– Патував насекаде во светот и имам фотографии од сите страни на светот. Во периодот од 2004 до 2008 година бев во Етипија од каде ги донесов најинтересните фотографии. Бев и во Кенија која е богата со пејзажи, а на крајниот југ има едно племе што е многу интересно и кое го негува култот кон убавото. На публиката во Битола и понудив едно естетско патување од Африка пренесено низ фотографии, истакна авторот Готје пред присутната публика на свеченото отворање на неговата фото-изложба во битолската „Магаза“.