МВР ги презема сите мерки за пронаоѓање на сторителите кои ги оштетија гробишатата во Љуботен

Од:

Во врска со реакциите и наводите изнесени од претставници на политичка партија и некои медиуми, а кои се однесуваат на сквернавењето на гробишатата во скопското село Љуботен, Министерството за внатрешни работи во денешното соопштение наведува дека веднаш по пријавувањето на настанот екипите на Министерството извршиле увид на местото на настанот и ги превзеле сите неопходни мерки за пронаоѓање на сторителите и целосно расветлување на овој настан.

– Министерството интезивно ги спроведува сите оперативно-технички и теренски активности кои овозможуваат собирање и анализа на доказниот материјал, се со цел сторителите на овој чин да бидат идентификувани и против нив да се поведе соодветна кривична постапка. При извршувањето на своите надлежности, Министерството постапува професионално и без никакви политички влијанија и без популистички и сензационалистички мотиви. Токму затоа и сите докази кои ќе бидат обезбедени во текот на истрагата ќе бидат соопштени на прес конференција, се истакнува во соопштението.

Министерството за внатрешни работи повторно најостро го осудува овој вандалски чин и повикува настанот да не се користи за добивање публицитет ниту на политичките партии, ниту на медиумите.

– Изнесувањето на невистини и недокажани сомнежи не придонесува за доброто на граѓаните и негативно влијае на текот на истрагата. Министерството редовно ги превзема сите мерки за заштита и гарантирање на безбедноста и сигурноста на граѓаните, стои во соопштението од МВР.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он