Едно лице загина, а друго е потешко повредено во сообраќајната несреќа што изутрината се случила на патот Битола-граничен премин Меџитлија, во близина на црквата кај село Кравари.
Портпаролот на СВР Битола Лефтерија Миленковска информира дека сообраќајната несреќа се случила изутрината во 5.50 часот.
– Возилото „Ауди 80“ со битолски таблици излетало од патот, а возачот, 27-годишно момче со иницијали З.М. од Битола им подлегнало на повредите во Клиничката болница во Битола. Сопатникот во возилото се здобил со тешки телесни повреди и е хоспитализиран во Битолската болница. На местото на настанот е извршен увид од СВР Битола во присуство на Јавен обвинител, потврди Миленковска.