Со поголем број манифестации Виница денеска го одбележа верскиот празник Павловден, празникот на градот. По тој повод Советот на општина Виница одржа свечена седница на која присустуваше и делегација од збратимениот град Трајавна од Република Бугарија. За постигнувањата на општината и проектите кои се во тек зборуваше градоначалникот Емил Дончев.
По повод празникот се одржа литија и кршење на славскиот колач пред црковниот храм „Свети Лука“ на која присиствуваа голем број верници од општината и гости. Со церемонијата чиноначалствуваше митрополитот Брегалнички, господин Иларион. Потоа беше поставен камен темелник на нова крстилница и помошни простории кои ќе се градат во склоп на црковниот храм „Свети Лука“ во Виница.
По повод празникот, Општинската организација на Црвен крст Виница организира традиционална акција за доброволно дарување крв.