Во обид да спречи тепачка меѓу две групи на малолетници, полицаец од Скопје го извлекол подебелиот крај и настрадал.
На улицата Ѓорѓи Димитров во Скопје, во близина на ресторан, двете групи на малолетници по вербална расправија влегле во физичка пресметка. Полицаецот кој бил во близина и кој интервенирал за да го спречи кофликтот и да ги раздели групите настрадал откако разгневените малолетници го нападнале него.
Едно од децата го удрило во глава и го изгребало по лицето, а пред да дојде засилување останатите малолетници се разбегале.
Напаѓачот е фатен и по завршувањето на процедурата ќе добие соодветна пријава.
