Најмалку 30 албански државјани, со посебен авионски лет, се депортирани од Франција,откако им е одбиено барањето за азил.
По оваа последователна реадмисија на поголема група албански државјани, властите во Тирана упатија апел до граѓаните да не се залажуваат да заминуваат азиланти,бидејќи можностите да бидат прифатени нивните барања се еднакви на нула.
– По кој знае кој пат повторуваме како Министертво за внатрешни работи,дека апликациите за азиланти во земјите на ЕУ на албанските граѓани не се прифаќаат,бидејќи Албанија се смета за безбедна земја.Да кажам со обични зборови, можностите албанските граѓани да добијат статус на економски или политички азиланти се еднакви на нула,порача заменик министерот за внатрешни работи Стеан Чипа.
Генералниот директор на албанската полиција,Хаки Чако, наведува дека продожуваат интензивна соработка со сите партнери,но и со сите други земји на ЕУ,кои јасно ставаат до знаење дека е неможно албанските граѓани да добијат азил во земјите на унијата.
Во последните неколку години над 100 илјади албански граѓани заминале азиланти во некоја од земјите на ЕУ,најголем процент од нив во Германија.