Гаражниот простор под блокот „Малага“ во Градски ѕид, во ноќните часови беше како сцена од хорор филм, полн со шут, стари електрични уреди и беше неосветлен, велат од Општина Центар.
Општина Центар пред 2 години комплетно го исчисти овој дел, но истиот повторно се наполни со смет.
Жителите се пожалија до надлежните во општината и лично до градоначалникот Андреј Жерновски и службите веднаш почнаа со расчистување, соопштуваат од Општината.
Се вади отпадот, се глетуваат и варосуваат ходниците, се поставува ново осветлување, а за безбедност на просторот и на граѓаните, општина Центар ќе стави безбедносни врати.
Општина Центар апелира до жителите сметот и шутот да го фрлаат на точно определените локации, но доколку се јави поголем проблем, да ги консултираат и да пријават на надлежните во Општината.
