Најдобриот кошаркар на Хјустон Рокетс, Џејмс Харден го продолжи договорот со својот клуб на уште четири години. „Брадата“ според новиот договор останува во Хјустон до 2023 година и во следните шест години ќе заработи 228 милиони долари, пренесе ЕСПН.
Доколку оваа информација е точна и договорот биде официјализиран, Харден ќе биде сопственик на најскапото продолжување на соработката во историјата на НБА лигата.
Ѕвездата на Хјустон има одлична сезона зад себе. Тој на 81 натпревар имаше просек од 29.1 поен, 11.2 асистенции и 8.1 скок.