Во рамки на кампањата за урбанизација и зазеленување „Дотерај го Скопје“, жителите на Аеродром можат да предложат локации, на кои има услови да се засади растение.
Како што соопштија од општината, локациите исклучиво треба да бидат пасивни, напуштени, а исто така и запуштени, дотрајани, `рѓосани метални мрежи и огради, изабени фасади на јавни и напуштени објекти и слично.
Граѓаните што ќе предложат таква локација треба да ја регистрираат на веб-страницата изготвена од „Јавна соба“, достапена на следниот линк http://www.error501.mk/.
За предложените локации граѓаните ќе добијат бесплатно одреден број брзорастечки бршлени, кои потоа самите ќе треба да ги засадат и со тоа да го разубават просторот.
