Едно лице е тешко, а 14 се полесно повредени во вкупно 14 сообраќајни незгоди што се случиле вчера на територијата на Скопје. Во пет е причинета материјална штета.
Во една од сообраќајните несреќи со тешки телесни повреди се здобил еден пешак.
Во текот на вчерашниот ден од страна на сообраќајната полиција откриени се поголем број прекршоци. Санкционирани се осум возачи кои се движеле со брзина поголема од дозволената, тројца возачи кои не ги почитувале правилата за престигнување и десет возачи кои не користеле сигурносен појас или го користеле мобилниот телефон.
Вкупно 17 возачи ги управувале своите возила без возачка дозвола односно нерегистрирани. Тројца возачи почетници сториле прекршоци по разни основи.
Од полицијата затекнати се 36 непрописно паркирани возила. Со помош на специјалното возило „пајак“ отстранети се 49 возила.