Од куќа во Битола биле украдени пари и злато во вкупна вредност од околу 350.000 денари, информираат од МВР.
Во периодот од 18. до 25. јуни во Битола, на ул. „Милан С.Петрески“, во куќа сопственост на В.В. (64), непознат сторител извршил тешка кражба при што одзел 3.650 евра и поголема количина златен накит.
Непознатиот сторител со подесен алат делувал на балконската врата, по што влегол внатре и извршил пребарување по собите, каде ги пронашол парите и златниот накит, ги одзел, со што се стекнал со противправна имотна корист од околу 350.000 денари. Увид на местото на настанот извршила увидна екипа од СВР-Битола.
Полицијата презема мерки за пронаоѓање на сторителот како и целосно расчистување на случајот.