Македонската одбојкарска репрезентација по пет одиграни натпревари во групата Б од Европската лига има пет победи, а попладнево ќе се обиде да ја продолжи низата и со максимален учинок да замине на завршниот турнир во Данска. Македонија за ривал на последниот дуел ја има селекцијата домаќин на вториот турнир Албанија. Почетокот на натпреварот е во 18 часот.
По вчерашната победа над Азербејџан селекторот на Македонија, Драгутин Балтич истака:
– Не беше лесно да се постигне оваа победа, но особено ми се допадна начинот на кој мојот тим реагираше во тешките моменти со кои се соочивме, пред се во првиот сет. Игравме добро, но мораме да останеме фокусирани и да го затвориме кругот на лигата со уште една победа.
На вториот натпревар одигран синоќа Шведска ја победи Албанија со 3:1 и со тоа доби шанса за пласман на завршниот турнир, ако успеат да го освојат второто место во групата. За тоа е потребно тие да го победат Азербејџан, а Македонија да ја совлада Албанија.
На табелата Македонија е прва со 15 бодови, пред Албанија со 8 бодови, Шведска има 6, а Азербејџан е последен со 1 бод.