Министерот за здравство Никола Тодоров денеска напладне ќе се сретне со претставници од синдикатите за здравство.
На средбата се очекува да стане збор за актуелните случувања во здравството, за проектот за плаќање по учинок поради кој штрајкуваат лекари специјалисти од Клинички центар. Од Министерството за здравство најавуваат дека по средбата ќе следи изјава за медиумите.
Состанокот кај министерот Тодоров следува по минатонеделната средба што претставници на синдикатите ја имаа со премиерот Никола Груевски. Тој неодамна изјави дека како Влада остануваат на реализацијата на проектот, но оти се отворени за разговори доколку има било какви проблеми со бодувањата.