„Да ги победиме лошите животни навики-градиме здрава, зелена и органска иднина!“, е мотото на 7. Фестивал на органска храна што ќе се одржи денеска во паркот „Жена Борец“.
На Фестивалот ќе се промовираат значењето на органското земјоделско производство во однос на економскиот развој и понудата на органската храна како платформа за поврзување на производителите, преработувачите, науката и потрошувачите со единствена цел – перспективна одржлива иднина за органска Македонија.
Во изложбениот дел, на т.н. Органска улица, ќе се претстават голем број производители. Посетителите ќе имаат можност да дегустираат органски производи, а помладите, преку едукативно-креативен пристап, ќе добијат повеќе информации за здравиот начин на живеење.
Предвидени се и работилници за сите возрасти, дебати за здравиот начин на исхрана, забавна програма со музика, спорт, рекреација,…
Настанот е под покровителство на Град Скопје, а го организира ДИПОЗ-ФЗНХ-Скопје.