Дневниот центар во Виница згрижува 16 деца со посебни потреби кои престојувајќи во Центарот секојдневно се социјализираат, но и се обучуваат во повеќе вештини за подоцна бидат корисни членови во заедницата.
Потпишаниот договор на компанијата „Макпрогрес“ од Виница и Црвениот крст на Република Македонија е од особена важност за работата и постењето на Дневниоте центар во општина Виница, бидејќи овој Центар ќе биде вклучен во проектот на Црвен крст на Виница и Црвен крст на Македонија.
– Потпишувањето на Договорот со Црвениот крст на Македонија за нас како Центар е од особено значење, бидејќи ќе бидеме вклучени во заедно во проект за спроведување на заеднички иницијативи, креативни работилници, организирање на рекреативни активности, едукација за деца и родителите на децата, изјави Зорка Коцева, раководител на Дневен центар Виница.
Освен Дневниот центар од Виница во овој прокет ќе бидат вклучени и дневните центри од Куманово, Струмица и Штип, во кои се згрижени 80 деца со посебни потреби.
Според директорката Коцева, првата активност на Дневниот центар и Црвен крст Виница е закажана за 16 јуни во Виница кога ќе се одржи едукативна работилница за волонтери на Црвениот крст кои ќе реализираат активности заедно со децата во дневните центри.