Американскиот претседател Доналд Трамп денеска објави план за приватизација на системот за воздушна контрола на САД.
Трамп истакна дека сегашниот систем на воздушна контрола во САД е застарен и дека американскиот авиосообраќај „конечно треба да полета кон иднината“.
Според Трамп, со планот за приватизација на системот за воздушна контрола ќе се намали времето на чекање на патниците, ќе се зголеми безбедноста на авионскиот сообраќај и ќе се намалат трошоците на авиокомпаниите.
Трамп со планот предлага контролата на авиосообраќајот да биде одвоена од Федералната управа за цивилно воздухолпвоство и да премине во надлежност на „независен и невладни орган“.
Американските авиокомпании веќе подолго време го бараат ова одвојување на контролата на воздушниот сообраќај, но противниците на ваквата мерка сметаат дека со тоа тие ќе добијат претерано голема моќ.
За да стапи во сила, планот на Трамп треба да биде одобрен од Конгресот на САД.