За власта државнички говор, за опозицијата Иванов е портпарол на Владата

Од:

Годишното обраќање на претседателот на Република Македонија Ѓорге Иванов во Собранието на Република Македонија од пратениците од владејачките партии беше оценетo како вистински државнички говор, додека опозицијата смета дека тој уште еднаш не успеал да излезе од партиските стеги.

„Во Собранието на Република Македонија денеска имавме вистинско државничко обраќање на претседателот Ѓорге Иванов. Тој направи се што може да ја промовира Република Македонија и да им помогне на граѓаните“, изјави Силвана Бонева од ВМРО-ДПМНЕ.

Неговото државничко работење, смета таа, се гледа во 26-те посети на странски држави и 86 средби со странски државници, со шефови на држави, преку кој лобираше за нашата татковина.

Најважната порака на Иванов, според неа, е да се престигнуваме во доброто.

Опозициските пратеници сметаат дека Иванов не успеал да излезе од партиските стеги и дека е само портпарол на Владата.

„Цела среќа што претседателот Иванов има уставна обврска да се обрати пред Парламентот за да можеме да го чуеме, инаку имаше опасност неговиот молк да продолжи, а за жал јавноста со право оваа година очекуваше за многу значајни работи тој да го искаже својот став“, изјави Андреј Петров од СДСМ.

Тој оцени дека денеска претседателот Иванов се ставил во функција да биде гласноговорник и верна сенка на премиерот и се стави во функција на владејачката партија.

„ Бидејќи зборуваше, меѓу другото, и за буџетот напаѓајќи ја опозицијата можам само да му порачам дека најголемиот непродуктивен расход на буџетот на државата ќе биде неговиот мандат“, изјави Петров.

Крајна разочараност од обраќањето на Иванов денеска изрази пратеникот Ердоган Сарач. – Навреден сум од тоа што сметам дека не сум еден од тие што со сила го попречуваат донесувањето на буџетот. Јас со моита амандмани барам вода, образование, инфраструктура за Турците, рече Сарач.

Годишното обраќање на претседателот не го следеа пратениците на НДП и на ДПА.

Фљамуре Креци од НДП образложи дека таа и Изет Зеќири не присуствувале на седницата поради тоа што Иванов ниту еднаш не ги претставил потребите и интересите на Албанците.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова