ВМРО-ДПМНЕ со писмено соопштение реагира на соопштението на СДСМ.
„Антиреформската влада на СДС нема да може бесконечно да користи кредити употребувајќи го зборот „ќе“.
Граѓаните очекуваат минимална плата од 16.000, а просечна од 30.000 денари. Граѓаните очекуваат и покачени пензии, а специјалистите плата од 100.000 денари. Граѓаните очекуваат нови 500 километри автопат. Тоа се ветувањата кои ги даде СДС.
Креирањето на хајки, измислувањето на афери и манипулациите се силна страна на СДС, но тоа нема да им донесе придобивки на граѓаните ниту на краток, ниту на среден, ниту на долг рок.
Граѓаните знаат што направи ВМРО-ДПМНЕ додека ја водеше владата.
ВМРО-ДПМНЕ успеа да отвори повеќе од 160.000 нови работни места и да ја намали невработеноста на 23%. Факт е дека владата предводена од ВМРО-ДПМНЕ на земјоделците им додели повеќе од 1 милијарда евра во субвенции, на пензионерите им ги покачи пензиите, воведе минимална плата со прогресивен проектиран раст. Затоа ВМРО-ДПМНЕ победи на 10-те последни изборни циклуси.
СДС ќе треба да одбере дали има капацитет и ќе се обиди да се приближи на овие достигнувања или ќе се занимава само со ВМРО-ДПМНЕ оставајќи им ги на граѓаните само ветувањата“ велат од ВМРО-ДПМНЕ во реакцијата.