Претседателот на Собранието Трајко Вељаноски за в четврток за 11 часот го закажа продолжението на седницата на Комисијата за труд и социјална политика на чиј дневен ред е законот за бранителите.
Со Комисијата ќе претседава пратеничката Сузана Анова.
Вељаноски седницата ја закажа врз основа на член 120 став 3 од Деловникот, откако претседателката на Комисијата Цветанка Иванова одби да ја води седницата бидејќи од неа беше побарано да закаже друга седница на чиј дневен ред беа девет закони во прво и второ читање, меѓу кои и за зголемувањето на пензиите.
Иванова сметаше дека најнапред треба да заврши седницата на Комисијата на која на дневен ред и да бидат разгледани сите над 15.500 амандмани на Предлог на закон за посебните права на припадниците на безбедносните сили на Република Македонија и на членовите на нивните семејства, по скратена постапка. Законот го поднесе пратеничката група на ВМРО-ДПМНЕ, а амандамните ДУИ, која сака да го блокира неговото донесување.