Известители на Комисијата за почитување на обврските и заложбите на земјите членки преземени при приемот во Советот на Европа денеска и утре ќе бидат во работна посета на Република Македонија.
Европратениците Лисе Кристоферсен од Норвешка и Валериу Гилечи од Романија, како коизвестувачи на Парламентарното собрание на Совет на Европа (ПССЕ), како што е најавено, треба да се сретнат со Претседателот на Република Македонија, претседателот на Уставен суд, владини претставници, лидери на политички групи и Специјалниот јавен обвинител, како и претставници на НВО, медиуми и меѓународни организации.
Средбата со претседателот на Собранието на Република Македонија Талат Џафер, како што е најавено, ќе се одржи денеска попладне во неговиот Кабинет.
Теми на работната посета на известувачите се настаните кои следуваат по парламентарните избори во декември 2016 година, како и генералниот напредок во однос на обврските и заложбите од Советот на Европа.