Во беровската гимназија „Ацо Русковски “ денеска матурски испит по предметот мајчин јазик и литература полагаат 94 матуранти. Како што истакна диеректорот на СОУ „Ацо Рисковски“, Гоце Џалевски, полагањето започна навреме и се одвива во најдобар ред.
– Денеска македонски јазик полагаат 94 матуранти. Распоредени се по 15 ученици во 7 простории. Полагањето започна навреме, а ќе трае 4 часа, односно до 14 часот. Вториот дел од матурскиот испит ќе се одвива на 10 јуни кога ќе се полага странски јазик, а завршниот испит е на 14 јуни, истакна Џалевски.
Во беровската гимназија 36 матуранти нема да полагаат матурски испит, дел од нив кои учат средно стручно образование ќе полагаат завршен стручен испит.
Во делчевската гимназија „М. М Броцо“ денеска матурски испит по мајчин јазик и литература полагаат полагаат 66 матуранти, а останатите 35 ќе полагаат училишна матура.