Вучиќ: Името на новиот српски премиер ќе се знае за три недели

Од:

Актуелниот српски премиер и новоизбран претседател на Србија, Александар Вучиќ денеска изјави дека името на неговиот наследник на премиерската функција „ќе биде познато на 11, 12 или 13 јуни“.

Како што јави Танјуг, Вучиќ нагласи дека во игра за нов прв човек на српската Влада не се само трите имиња кои се спомнуваат во медиумите, туку дека се разгледуваат многу повеќе кандидати.

Српските медиуми изминатите денови објавија дека најсериозни кандидати за нов српски премиер се заменик-премиерот и шеф на дипломатијата Ивица Дачиќ, министерката за државна управа и локална самоуправа Ана Бранабиќ и министерот за финансии Душан Вујовиќ.

Вучиќ денеска најави дека ќе ја преземе должноста претседател на Србија на 30 или 31 мај, но дека официјалната свеченост на неговото стапување на должноста ќе се оддржи по 20 јуни.

– Стапувањето на должност е свечен чин со кој ќе означиме нова политичка ера. Тоа ќе се случи по 20 јуни, изјави Вучиќ.

Би можело да ве интересира

Изгласана е новата Влада на Србија на чело со премиерот Милош Вучевиќ

(ВИДЕО) Уапсени 13 лица – мрежа на измамници преку кол центри од Србија украле милион евра од Германци

Анита Петровска Рајковиќ

Вучевиќ: Македонија ќе најде повеќе од партнер во Србија

А1он

Вучиќ за негодувањето на САД што нови министри се на американската црна листа: Тоа е изборот на граѓаните на Србија

Предраг Петровиќ

Србија ги качи акцизите за гориво, кафе, алкохол

А1он

Вучевиќ ги соопшти имињата на министрите во српската Влада