Посетата на премиерот Никола Груевски на Република Хрватска е одложена поради лошите временски услови на аеродормите во Скопје и во Загреб.
Посетата на Хрватска ќе се реализира во друг термин, што ќе се утврди дополнително.
Премиерот Груевски денеска во Загреб требаше да се сретне со неговиот хрватски колега Зоран Милановиќ, со претседателот Иво Јосиповиќ и со претседателот на Саборот Јосип Леко, како и со претставници на македонската заедница во Хрватска.
Маглата на скопскиот аеродорм „Александар Велики“ е причина за откажување на повеќе полетувања и слетувања во текот на ноќта и изутрината.Единствено полетал авионот на „Виз ер“ кон Бергамо во шест часот изутрината.