Завршувањето на базичните обуки за новиот Закон за кривична постапка денеска ќе биде одбележано во организација на Академијата за судии и јавни обвинители.
Пред присутните ќе говорат директорката на Академијата за судии и јавни обвинители Анета Арнаудовска, амбасадорот на Мисијата на ОБСЕ во Скопје, Ралф Брет и заменик амбасадорот на Амбасадата на САД во Република Македонија, Брајан С. Аглер. Најавено е присуство на претставници од правосудните институции во Република Македонија, како и на претставници на дипломатскиот кор во земјата.
Во рамките на успешно воспоставената соработка помеѓу Академијата за судии и јавни обвинители и Канцеларијата за развој, помош и обука на јавните обвинителства (ОПДАТ) при Министерството за правда на САД, Амбасадата на САД и Мисијата на ОБСЕ беа реализирани низа обуки, советувања и тркалезни маси посветени на актуелни теми од областа на правото.
Исто така ќе бидат доделени и сертификати на едукаторите кои ги спроведоа базичните обуки за новиот Закон за кривична постапка.