Министрите за финансии и гувернерите на централните банки на земјите од Г-7 на денешниот состанок во Бари потпишаа манифест за сеопфатен економски развој, изјави на крајот на средбата италијанскиот министер за финансии Пјер Паоло Падоан.
– Документот ги поставува темелите на системот на единствена политика за постигнување на рамномерен економски раст, посочи министерот, кој прецизира дека во заклучната декларација се определени конкретни активности за повеќе теми.
– На овој состанок не говоревме само за глобалните проблеми, туку и разгледавме конкретни одговори на конкретни задачи, рече Падоан.
Учесниците особено внимание посветиле на кибер криминалот во финансиската сфера.
Тие признаваа дека кибер нападите се закана за економиите на земјите и за нивно спречување се потребни мерки на политичко ниво, се вели во изјавата, во кој се посочени и рокови за изготвување на соодветни мерки, до октомври 2017 година.
Учесниците го потврдија и мандатот на Организацијата за економска соработка и развој за оценка на условите за разработка на предлозите за воведување олеснување со даноци на најголемите интернет компании. Сите учесници беа едногласни дека заедничкото решение е поефикасно од националните планови, нагласи Падоан.
Претходно американскит министер за финансии Стивен Мнучин изјави дека САД си го задржуваат правото на протекционистички мерки во трговијата.
– Ние не сакаме да бидеме протекционисти, но го задржувме правото да бидеме протекционисти, доколку сме убедени дека трговијата не е слободна и чесна, изјави тој на прес-конференција по состанокот.
Мнучин изјави дека ставот на САД е за „поизбалансирана трговија и луѓето го разбраа тоа“.
Во Г-7 членуваат Велика Британија, Германија, Канада, Италија, САД, Франција и Јапонија.